ಏನಿದು ?

ಮೊದಲ ಮಧುರವಿದು 
ಮನ ಮೀಟಿ ಅರಳಿದೆ 

ಉಸಿರಿನ ಉತ್ಸವವಿದು 
ಎದೆಯ ಚಿಪ್ಪಲಿ ಅವಿತಿದೆ

-ಸುಬ್ಬು ಪದ್ಮನಾಭ 

ರಸಿಕ ಮನದ ಶೃಂಗಾರ ಕವನ

ಲತೆಯಲ್ಲಿ ನಗುವ ಹೂವಿನ 
ಗಂಧವ ಹೀರುವ ದುಂಬಿಯೋ 

ಮಿಂಚು ಕಣ್ಣಿನ ಹೊಳಪಿಗೆ 
ಹೃದಯದಂಚಿನ ಮಿಡಿತವೊ 

ಸಾಗರ ಹುಡುಕುವ ನದಿಗೆ 
ನಿತ್ಯ ಹರಿಯುವ ಹಂಬಲವೋ 

ಆಗಸದಿರದ ರವಿಯ ಕಾಂತಿಗೆ
ಕಾದು ಕೂರುವ ಸೆಳೆತವೋ 

-ಸುಬ್ಬು ಪದ್ಮನಾಭ

ಕವಿ ಕಾಣದ ಶೃಂಗಾರದ ರಸಕಾವ್ಯ

ಹುಟ್ಟುವುದೇತಕೆ ಗೆಳೆಯ
ಸಾಧಿಸಿ ಸಾರ್ಥಕವಾಗಿಸಲು 
ಬದುಕುವುದೇತಕೆ ಗೆಳತಿ  
ಪ್ರೀತಿಸಿ ಪ್ರೇಮದೊಂದಿಗಿರಲು

-ಸುಬ್ಬು ಪದ್ಮನಾಭ 

ಎರಡು ಸಾರಿ ಮನುಷ್ಯ ಹುಟ್ಟುತ್ತಾನೆಂದು ಯಾರೋ ಪುಣ್ಯಾತ್ಮರು ಹೇಳಿದ್ದಾರೆ.
ಒಂದು ಅವನ ನಿಜವಾದ ಜನ್ಮ ದಿನ ಇನ್ನೊಂದು ಯಾತಕ್ಕೆ ಜನ್ಮ ತಾಳಿದ್ದು ಎಂದು ತಿಳಿದುಕೊಂಡ ದಿನ 

ಕೋಟಿ ಕೋಟಿಯೂ ಕನ್ನಡ

ಹೂವಿನ ಕುಸುಮದಲಿ 
ಕನ್ನಡ ತನವೊಂದಿದೆ 

ಹೃದಯದ ಬಡಿತದಲಿ 
ಕಂಪಿನ ಕನ್ನಡವೊಂದಿದೆ 

ನಾಡಿಯ ಮಿಡಿತದಲಿ
ತಂಪಿನ ಕನ್ನಡವೊಂದಿದೆ 

ಕನ್ನಡ ತನವೊಂದಿರಲು 
ಉಸಿರುಸಿರೂ ಹಾಡಿದೆ 

ಕನ್ನಡ ಬದುಕಿಗೆ ಕನ್ನಡ
ಏಳು ಕೋಟಿಯೂ ಕನ್ನಡ 

-ಸುಬ್ಬು ಪದ್ಮನಾಭ