ಏನಿಲ್ಲ - ನಾನಿಲ್ಲ

ಪಂಚಭೂತಗಳಲ್ಲಿ ಅವನಿಲ್ಲ
ಅವನಿಲ್ಲದೆ ಅವುಗಳಿಲ್ಲ 

ಜೀವರಾಶಿಯಲಿ ಅವನಿಲ್ಲ
ಅವನಿಂದಲೇ ಅವುಗಳೆಲ್ಲ 

ದೇಹವೇ ನಾನೆಂದು ನಂಬಿಲ್ಲ
ಚತುರ್ಥ ಸ್ಥಿತಿಯೂ ಇದೆಯಲ್ಲಾ

ಅನುಭವಕೆ ಬಂದರೆ ನಾನಿಲ್ಲ
ನಾನು ಹೋದರೆ ಅವನೇ ಎಲ್ಲಾ 
- ಸುಬ್ಬು ಪದ್ಮನಾಭ

ಸನಿಹ ನೀನಿರೆ

ಆಕಾಶದ ನೀರವ ಮೌನ
ಒಡಲ ಗೂಡಲಿ ನೆಲೆಸದೆ 

ಬೀಸುವ ಗಾಳಿಯ ಸುನಾದ
ಮನವ ಅರಳಿಸದೆ ಇರುವುದೆ 

ಅಲೆ ಅಪ್ಪಳಿಸುವ ಮಾಧುರ್ಯ
ತನು ಹೂವಾಗಿಸದೆ ಬಿಡುವುದೆ 

ಚರಾ ಚರದಲಿ ಸಂಭವಿಸಿಹೆ
ಚೇತನದ ಹಿಂದಿನ ತತ್ವ ತಿಳಿಯದೆ 
-ಸುಬ್ಬು ಪದ್ಮನಾಭ

ಹೆಜ್ಜೆಯ ಗುರುತು

ಸಾಗುತಿದೆ ಪಯಣ

ನೀನಿರುವ ಹಾದಿಯಲಿ 

ಬಾಗುತಿದೆ ಹರಣ
ನನ್ನೊಳಗಿನ ಚಕ್ಷುವಲಿ
-ಸುಬ್ಬು ಪದ್ಮನಾಭ