ಹಗುರ

ದೇಹ ಹಗುರವಾದರೆ 
ಲವಲವಿಕೆ 

ಮನ ಹಗುರವಾದರೆ
ಲವ್ ಇರುವಿಕೆ

- ಸುಬ್ಬು ಪದ್ಮನಾಭ

ಮೂಟೆ-ಕೋಟೆ

ಉಸಿರೆಂಬ ಚೇತನವೊಂದು
ಜೀವನವೆಂಬ ಲಕೋಟೆಯಲಿ 

ನಾನೆಂಬ ಇರುವಿಕೆಯೇ ನೆನಪಿನ ಮೂಟೆ
ಮತ್ಯಾಕೆ ನಿತ್ಯ ದ್ವೇಷ ಅಸೂಯೆಗಳ ಕೋಟೆ

ತೃಪ್ತಿಯಾಗಿದ್ದು ನಿನ್ನ ಸೇರಲೇ ಮೇಲುಕೊಟೆ ? 

-ಸುಬ್ಬು ಪದ್ಮನಾಭ

ಅಂದ ಚಂದ

ಉಂಗುರ ಪೋಣಿಸಿದ ಉದ್ದನೆಯ ಬೆಟ್ಟು
ಹೆಣ್ಣಿನಂದ ಹೆಚ್ಚಿಸುವೆ ನೀ ಹಣೆಗೆ ಬಟ್ಟು

ನೀಳ ಮೂಗಿನ ಮೇಲಿದೆ ಮೂಗುತಿ
ದಿನವಿಡೀ ಕಣ್ಣ ಕುಕ್ಕುವೆ ನನ್ನಾರತಿ

ಕೊರಳಿಗೊಂದೆಳೆ ಸರ ಆಹಾ ಎಷ್ಟು ಸುಂದರ 
ಇರುಳಿಗಿರುವ ಚಂದಿರ ಸನಿಹ ನೀನಿರೆ ಹಂದರ 

ಘಲು ಘಲು ಗೆಜ್ಜೆಯ ನಡೆಯುವ ಪಾದ
ಹಂಸನಡಿಗೆಗೆ ಮನೆಯಂಗಳ ಸುನಾದ 

ಹುಡುಗನ ಕಣ್ಣಿಗೆ ನೋಟದ ಹುಚ್ಚು
ನೋಡಲು ನಿನ್ನ ಹೆಚ್ಚಿಸುವುದು ಕಿಚ್ಚು

-ಸುಬ್ಬು ಪದ್ಮನಾಭ
22 March 2016