#ನಾಲ್ಕು ದಶಕ

ಶಾಲೆಯ ಪಾಠ ಓದು ಮುಗಿಯಿತು
ಕಲಿಕೆ ಏನಾಯ್ತೋ ಸ್ಪರ್ಧೆ ಅನ್ನಿಸಿಕೊಂಡಿತ್ತು 

ಯವ್ವನ ಬಂತು ಸಂಗಾತಿ ಬಯಸಿತು
ಎರಡು ಮಕ್ಕಳಾದರೂ ಇರ್ಲಿ ಎಂದೆನಿಸಿತು 

ಮನೆ ಮಠ ಲಾಲನೆ ಪಾಲನೆ
ಜವಾಬ್ದಾರಿ ಹೆಚ್ಚುತ್ತಾ ಹೋಯಿತು 

ವೃತ್ತಿ ಅನಿವಾರ್ಯವಾಯ್ತು 
ಪ್ರವೃತ್ತಿ ಮೂಲೆಗುಂಪಾಯಿತು 

ಅಂತರಾತ್ಮ ಹೇಳುತ್ತಲೇ ಇತ್ತು
ಕೇಳುವ ಮನಸ್ಸು ಬುದ್ದಿಗೆಲ್ಲಿತ್ತು 

ಏನು ಬೇಕೆಂದು ಅರಿವಾಗುವವರಗೆ
ಜೀವಕ್ಕೆ ನಾಲ್ಕು ದಶಕಗಳ ವಯಸ್ಸಾಗಿತ್ತು 

-ಸುಬ್ಬು ಪದ್ಮನಾಭ