ಕಗ್ಗ 904 - ಕನ್ನಡದ ಭಗವದ್ಗೀತೆ

ವಹಿಸು ಕೆಲ ಭಾರಗಳ; ಸಹಿಸು ಕೆಲ ನೋವುಗಳ |
ಪ್ರಹರಿಸರಿಗಳನನಿತು ಯುಕ್ತಗಳನರಿತು ||
ಮಹಿಯ ನಾಟಕದಿ ನೀಂ ಮನಸಿಟ್ಟು ಕುಣಿಕುಣಿದು |
ವಿಹರಿಸಾತ್ಮಾಲಯದಿ - ಮಂಕುತಿಮ್ಮ

ಜೀವನದ ಕೆಲವು ಭಾರಗಳನ್ನು ನಾವು ವಹಿಸಿಕೊಳ್ಳಲೇಬೇಕು , ಕೆಲವು ನೋವುಗಳನ್ನು ಸಹಿಸಿಕೊಳ್ಳಲೇಬೇಕು . ಯೋಗ್ಯ ಯಾವುದು ಅನುಚಿತ ಯಾವುದು ಎಂದು ಅರಿತು ನಮಗೆ ಹಿತವೆನಿಸದೆ ಇರುವುದರಿಂದ ದೂರವಿರಬೇಕು . ಈ ಜಗತ್ತಿನ ನಾಟಕದಲ್ಲಿ ನಾವು ಮನಸ್ಸು ಕೊಟ್ಟು ಕುಣಿಯುತ್ತಾ ಆತ್ಮಸಂತೋಷದಿಂದ ವಿಹರಿಸಬೇಕು .