ಗುಂಡ ಹುಡುಗಿಯ ನೊಡಲು ಹೊದ

ಗುಂಡ ಹುಡುಗಿಯ ನೊಡಲು ಹೊದ :
-------------------------------------
ಹಣೆಯ ನೋಡಿ ಕೂತ 
ದುಂಬಿಯ ಮುಂಗುರುಳು ಕಾಣಲಿಲ್ಲ

ಕಣ್ಣ ಕಾಡಿಗೆ ನೋಡಿ ಕೂತ
ಮಿನುಗುವ ಬೊಗಸೆ ಕಣ್ಣ ನೋಡಲಿಲ್ಲ 

ಮೂಗುತಿ ನೋಡಿ ಕೂತ
ಸಂಪಿಗೆ ಮೂಗು ನೋಡಲಿಲ್ಲ 

ಜುಮಕಿ ನೋಡಿ ಕೂತ
ಹುಡುಗಿಯ ಕಿವಿ ಗಮನಿಸಿಲ್ಲ 

ತುಟಿಯ ಕೆಂಪು ನೋಡಿ ಕೂತ
ನೈದಿಲೆ ಬಾಯಿ ನೋಡಲಿಲ್ಲ 

ಗೆಜ್ಜೆ ಸದ್ದು ಕೇಳಿ ಕೂತ
ಹುಡುಗಿಯ ಕಾಲೇ ಗಮನಿಸಿಲ್ಲ 

ಅರಳು ಹುರಿದ ಮಾತು ಕೇಳಿ ಕೂತ
ಹುಡುಗಿಗೆ ಹಾಡು ಹಾಡಿಸಲಿಲ್ಲ 

ಮನೆಗೆ ಬಂದೊಡನೆ ತಿಳಿಸಿದ 
ಹುಡುಗಿಯ ನೋಡಬೇಕಲ್ಲ !!

-ಸುಬ್ಬು ಪದ್ಮನಾಭ